Unang songon latteung
Ramos pe parbuena
Alai ndang marguna
Unang holan na marpollung
Pahata- hata jolma
Boi do i bonsir ni bada
Latteung di parik ni huta
Lomak bulung na marsuga
Gonong hunik songon bola
Alai sai dilaosi jolma
Latteung hata marsiala
Tudos- tudos ni naso boto mago
Boi do i mambahen hansit roha
Molo digorahon latteung tu ibana
Adong dope na unjorbut
Hata "latteung mullop- ullop"
Tudos- tudos na manginsombut
Baen pusu- pusu diultop- ultop
Imbulu hori pe hira na dibutbut
Ipon pe mardorop- dorop
Ise pe halak na ingkon muruk
Molo dipatudos tu " latteung ullop- ullop"
0 Comments
