Disada borngin marbada ma Bapak Mittop dohot Omak Mittop, maccam do sipata akka parsoalan dina marrumah tangga on, alai nang pe songoni dang olo halak i marbada molo dijolo ni anak hasian na si Mittop, jolo dibereng halak ijo nga tu kamar si Mitttop baru pe marbada halak i…
Omak Mittop : “Lak soadong do hubereng pengertian mu Pak Mittop… lalap holan na tu Tuak i habis sude passarian mu.. ai tung orui jo na Minum Tuak i...”
Bapak Mittop : “ima ho… sude do sala akka aha na huulahon, so hea huallang hepeng mu…”
Omak Mittop : “dang masalah hea manang daong diallang ho hepeng ku, sonnari masalah marisuang nai do. aut sura dilean ho tu dapur hepeng ni tuak mi nga tiap ari mangallang saksang ho hubaen..”
Bapak Mittop : “ahh paso mai lalap holan na patubekbek, ai tu kode tuak pe au holan pergaulan doi, dua galas do hu inum, dang 2 ebber. datung na gabe habis gaji sadari tusi…”
Omak Mittop : “ima ho… na jogalan rukkung mu..”
Pittor lao ma Omak Mittop tu kamar ala jut ni roha na..
Marpeak peak ibana dipodoman huhut mangarimang rimangi parngoluan on, dungi dibuat ibana ma Heppon na.
inna rohana “asa adong jo ubat ni arsak paima modom marpesbuk majo satokkin”.
Dibukka Omak Mittop ma Pesbuk na dungi dibaen ma status na buti :
@kamar kiu istanakiu #merasa_menyesal
mengapa kamiu tidak pernah berubah ? apakah dirikiu tidak berarti lagi untukmiu ?
holan dibaen Omak Mittop status na, pittor mangalaik (Like maksudnya) akka ina pardolok ima Nai Ramces, Nai Dorantes, Nai Poteria, Nai Kartince dohot Oppung Tali.
dang piga leleng masuk ma Bapak Mittop tu kamar, Laga Tanggurung ma halak i di podoman ala eskete nakkin.
Bapak Mittop pe tong ma tok uluna, jadi paima modom ibana dibuat ma heppon na gabe daun lalap,
di bukka ma pesbuk na.. pittor dibaen ma status buti :
@kamar ku istanaku #merasa_bimbang
Mengapa dia tidak pernah menghargai aqoh… dimatanya aqoh celalu calah.
Holan dibaen Bapak Mittop status nai, pittor langsung ma mangalaik akka ama parmitu ima Ama ni Guttur, Ama Padot, Ama Hotlan, Ama Sasserbeng, dohot rodi si akkat lobbang..
Hape tarbereng ni Omak Mittop ma status pesbuk ni Bapak Mittop on…
Inna roha ni Omak Mittop “eerrggghhh.. makin menjadi jadi ho.. age bereng…”
Pittor dikomen Omak Mittop ma, ninna : "heeiii….aha maksud mu Bapak Mittop.. ? merasa bimbang ho nimmu ? aha maksud mu ? heeehhh…"
Dibereng Bapak Mittop adong komen, dibukka ma, hape Omak Mittop.
Inna roha Bapak Mittop : “iabaggg.. Polisi Toba do hape….”
Pittor dibalas Bapak Mittop : “jei ho aha maksud mu merasa menyesal ? dung matua au menyesal ma ho, ido maksud mu ? molo tikki doli doli au hodo na gittal…”
Dibalos Omak Mittop muse, buti : “eehhh bursik ma ama ama songon ko, au nimmu gittal…? tau diri ho saotik Bapak Mittop… ai dang ho naujui sai mangambati au di tonga dalan pas lao sikkola ?
alani gittal mi ma holan na habis au digotil Pak Nurat ala tarlambat au torus tu sikkola…”
Dibalos Bapak Mittop ma muse, buti : “inanginanginang… iabakkkk… ho do na gittal, naso diingot hodo nauju i sahat do tu toruan ho manucci abit hape dijonok jabum adong do passur.
Diboto hodo attong mangombak au di toruan sappe dipala palai ho manucci tu passur toruan, inna roham asa hupistak ho.. ido kan ? Hiiihhh...."
Dibalos Omak Mittop ma muse, buti :
“bursik ma ho, au nimmu gittal ? jei naso hodo najolo manakko badak Spalding ni si Rinto asa adong mambadaki gedek gedek mi na bau i.. ? bau Lobbu doho.., holan hodo di Siborongborong on na bau lobbu, butul doho lobbu aek..."
Hape si Mittop pe dikamar dang modom dope, tong marpesbuk ibana mamereng mereng status Kopi Sianida, hape lak tarbereng na status ni Bapak na.
Dijaha….dijaha…dijaha…. heemmmmm…
pittor di Komen si Mittop ma tu pesbuk ni Bapak na, buti :
“asing bapa dahot omak on… sa kamar do alai marbada di pesbuk tonga borngin, dang maila dibereng halak, sapala pinda kamar ma bapa asa agak dao saotik, asa tabo marbada di pesbuk on.
Marsibollangan alai dang marsipakkulingan...#CapekDehhhhh
Toppu ma muse masuk komen sian Nai Dorantes, buti :
"Cie cie....eskete ya...."
HeHe... tole ma akka dongan, selamat pagi ma kale, unang marbadai hamu ateh, molo hurang saotik ittor hatai ate...
0 Comments
