Martampuk bulung, marbona sanghalan
Uhum na mangarahut sada partubu
Nanget sai hurimangi
Uli ma nian harbue ni hata i
Alai dia ma dohonon
Nunga masa naso uhum
Alani puro dohot parhundul
Gabe dao solhot ni partubu
Adong do piga ranting ni sada dangka
Alai dibuat ranting ni dangka na asing
Namangantusi pe manghungkam
Diboto nga geduk alai diolophon
Diparunung- unungan
Ingkon do nian pahoton
Alai nunga umbolon soara ni puro
Nabinoto gabe paula so diboto
Simpul unung- unung
Sahat ma tu siulaon
Sisolhot pe songon panondur
Uli idaon songon ombur- ombur
Asa tu angka parhata
Hatahon natingkos molo pe paet
Unang sega sogot tu pomparan
Asa hot tampuk ni bulung, hot bona ni sangkalan