Mambutbut lata
paserak partubuna
mandokhon hata
pasahathon tona
Lata na tubu
aropon marparbue
hata na marsintuhu
manat ma sipareon mambege
Unang songon api di ri
rarat so ro pe alogo
artian songon maniti
tongka ma ro hasusogo
Unang mapultak gambiri
molo marhata dohot dongan
sogot hata i songon piri-piri
maninggam dirim dohot roham
Marhata songon eme na unduk
sai ditodo halak panabi
sisungkunon martangan suruk
sipaimaon ni angka na tangi
Mararga ma antong hata
nang so marsuhat sihumisik
didok ma anak/boru ni raja
malo marhata dohot marhusip
0 Comments
