Aha do lapatan ni manggarar adat, boha do rumangna?
Mangoli ma sada baoa, dipasahatma angka sinamot dohot namarpardomuan tu si tu hulahulana, ima manggarar adat. Manjalo adat, ima hulahula manjalo angka na marpadomuan tu adat sian boruna. Taridama na manggarar dohot manjalo adat on di pesta unjuk. Molo mangoli sada baoa, alai ndang dope dibahen adatna, marlapatan marutang adat dope ibana tu hulahulana dohot tu na liat na lolo. Molo manggarar adat ibana haduan, didok ma i, pasahathon sulang-sulang pahompu (apalagi molo nga marpinompar ibana).
Di bagasan konteks dia do halak Batak manggarar adat tu halak na so Batak? Molo na huboto, isarana mangoli ma sada bayo mangalap boru na so Batak, somalna jolo dimargahondo asa gabe boru Batak, dungi gabe boi ma manggarar adat Batak.
Molo ndang dimargahon ndang hea binege manggarar adat, alai rumang ni adat budaya tu boru na nialap tontu diulahondo.
Dalam konteks na asing, tontu ingkon maradat do hita tu sude jolma, maradat dison tontu marlapatan saling menghormati dan menghargai, alai na pasti ndang mungkin ra maradat Batak tu naso halak Batak dalam konteks adat Batak...boha pandapot ni calon i?
Molo didok manggarar adat sasintongna laho manggohi ulaon adat i do. Ala uju i ndang apala singkop dope di ulaon hombar tu adat batak. Lapatanna, satonga dope diulahon ulaon adat i di tingki na salpu. Dung di joloan ni ari gabe boi ma digohi. On do ra na nidok na manggarar adat.
Molo adong pe na mangoli tu boru sileban, manang muli tu marga sileban, ndang pola ra gabe so mangargahon adat ni nasida hita disi, molo ingkon bahenonta nasida marmarga/marboru batak. Dibahen pe i asa singkop do diulahon adat Batak i.
Sabalikna pe antong ingkon boi ma mardalan molo dipangido nasida mardalan songon adat nasida. Ai so gabe mago identitas ni na di margahon i, alai gabe tamba ma identitasna.
Tontu panghorhon (konsekuensi) ni pardomuan ni dua adat na marimbar do i.
0 Comments
