Poda Ni Habatahon

Mimbar tungkap ni tuak, mimbar do nang daina, muba laut, muba do ugarina. Muba dolok, muba duhutna, muba luat muba do uhumna. (adaptability)

Anduhur pidong toba siruba-ruba pidong harangan, halak na padot mangula ido na bosur mangan. (work hard and smart)

Tinallik dulang tampak dohot aekna. Pinungka hata (ulaon) unang langlang di tagetna (sense of closure)

Anduhur pidong jau sitangko jarum pidong muara, gogo sibahen na butong tua sibahen na mamora, roha unang soada. (competencises)

Ijuk di para-para hotang di parlabian, na bisuk nampuna hata na oto tu pargadisan (knowledge workers)

Manggual sitindaon mangan hoda sigapiton, tu jolo nilangkahon tu pudi sinarihon (360o leadership)
Ingkon manat marpiu tali, ingkon pande marjalin bubu, ingkon manat mangula tahi, ingkon pande mangula uhum. (planning and execution)

Pege sangkarimpang halas sahadang-hadangan, rap mangangkat tu ginjang, rap manimbung tutoru halak namarsapanganan. (teamwork)



Sampilpil dirobean, Harambir dinahornop
Marungkil panghilalaan, Mangampir hona sorop
Patuan ma pargomgom, Pangaletek diliang huta
Paian ma angka holong, Mangelehelek dongan sahuta

Sanggul ni pardolok, Meleng-eleng marbane-bane
Sungguli na so satolop, Bereng-bereng na marnene-nene
Sampilpil dirobean, Hariara ma partungkoan
Manimbil gabe agoan, Molo dosroha ido na dapotan

“Raja ihot ni uhum, Mamora urat ni hosa”
On ma tondi-tondi habatahon na jotjot ditoishon halak batak.
Ingkon on do pangantusion na sintong taringot hamoraon dohot hasangapon I.
Hamoraon asa gabe urat ni hosa, ndada ala ni godang ni arta.
Urat ni hosa ima panarihonon tu angka dongan.
Hasangapon gabe raja asa gabe ihot ni uhum, manarihon angka na gale, ndada naeng mangasangi, patudu-tudu botohon.
Alai di hasangapon I, naeng ma gabe pangondian ni angka na gale.
Jadi unang sala hita mangantusi tondi-tondi ni halak batak taringot tu hamoraon, hagabeon dohot hasangapon.
songon tudos-tudos muse mandok:
Hotang sasa singgaran , bahen pangarahut ni ruma
Dos do raja dohot namora , pature adat di bagasan huta
“Rundut bonang, idaon tu punsuna. Litok aek idaon tu soksokna”
Rundut roha, idaon tu haporseaonna. Ia disi artam, disi do roham. Molo haporseaonna do artana, disi ma rohana.
Boi do “bonang i” padengganhon dirina sandiri? Holan idaon do na rundut i manang na patureon.
Tung uli do pandohan ni natuatua na parjolo. Parjolo, Asa malo marnida akar ni sadasada parsoalon, Paduahon, Nenget mandok asa marnida alai laos disi do dalan mangurupi. Patoluhon, Ala ditaringoti sadasada persoalan isarana di punguan, memang di parsamean alai mulak muse do tu sasahalak dungi tu keluarga.
Molo didok halak Batak, ida jo anggiman, madabu sian lereng! Ndada holan mangida maksudna, alai mangurupi. Tutu, jolo didida ma antong, asa boi urupanna. Boti, taida ma (angka na rundut i), dungi taurupi.
Gok tabe jala Horas di hita!

Comments
0 Comments


EmoticonEmoticon