Mubauba Do Sude Gabe Otik

Mubauba Do Sude Gabe Otik

Di pardalanan ni ngolu ni jolma dohot bangso

sai marhusor do tingki dohot hinagiotna,

sai marhusor angka na masa dohot parsorionna

Molo marhusor do politik, jotjot gabe dipapeolpeol otik

Molo marhusor do ekonomi, jotjot gabe disangkui otik

Molo marhusor do haporseaon, jotjot gabe disangkui sahit na otik

Molo marhusor do paradaton, jotjot gabe dipapeol jambar saotik

Molo marhusor do sundut, jotjot do mago tarombo ni punguan na saotik

Molo marhusor do holong, jotjot gabe ngali panghilalaan dohot parrohaon pe otik

Magulang ma mata ni ari dohot pangidoanna

Maguling ma bulan dohot hinaulina

sangombas do hamubaon ni roha, ruhut dohot pangalahona

Marlaho ro do angka na bisuk, pangituai, panggomgomi dohot raja

Didok na deba holan sada do na tongtong, i ma na margoar “angka na pinarhagiotna be".

Boha do tahe pikkiran dohot pandokta be?

Read More

Boa boa Habotni Roha

Boa boa Habotni Roha

Nunga dijou Tuhanta, ima Amang Banuaraja Manik mantan Duta Besar penuh Cuba dan Ketua Umum Manik Raja,boru,bere dan ibeberena (Marbona - se Indonesia/Dunia)
Monding, Sabtu 1 Oktober 2016 pkl 22.30 wib di Rs. Cipto Mangun Kusumo, jala I jadwalhon lao tu udean di ari Selasa 4 Okt 2016 di San Diego Hill
Asa ta boan tu bagasan tangiangta, anggiat dijalo Tuhan Yesus di siamunNAI, jala keluarga dilehon hagogoan-pangapulion.

Saluhut parhobas, Anggota, Moderator/Admin  Manik Raja pasahathon habot ni roha tu Amang Banuaraja Manik
Sai anggiat tumibu tarapul rohani sude pinompar na tinadikkon ni amangtua na tahaholongi i.

Songon ni dok umpasa ma dohonon nami:

“Tombak ni Simalungun ma ninna parsobanan ni Simamora, sai salpu ma di hamu na lungun, sai ro ma angka si las ni roha”

Di sude angka hata nauli nadenggan, angka poda, hata apul-apul, nang tangiang muna i tutu sai unang mai muba sai unang ma i mose.
Sai Tuhanta ma namandongani hita di ganup ingananta nang angka ulaonta pe.

Read More