Adat di Sarimatua - Saurmatua

Adat di Sarimatua - Saurmatua

Molo Ama Namarujung-ngolu: Ulos Saput (biasanha Ulos Sobolang) sian Tulang ni Amanta Namonding i, Ulos Sampetua (biasana Ulos-Ragidup), ima sian hula-hula ima diampehon tu abara ni Inanta-namabalu i. Ulos tutup-batang (biasana Ulos-Ragidup) sian hula-hula ni Anak Siangkangan rap ma dohot sude hula-hula ni Anak. Ulos natolui ma ulos na pokok, jala jambar tusi sian boan (parjuhut) ni natua-tuai ima: ulu tu Tulang ni Namonding, ihur-ihur tu hula-hula ni Namonding, laos rap ma nasida marbagi dohot hula-hula ni Anak, alai boi do pulik dijouhon hulahula ni Anak pulik (tersendiri) didos ni roha ma i sian ihur-ihur mai. Namargoar (jambar) i natata do dang ditutung kecuali didos ni roha sesuai iklim dohot tempat.

Molo Ina Namarujung-ngolu: Ulos saput (Ulos Sibolang) sian iboto ni Inantai, Ulos Sampetua (Ulos Ragidup) sian simatua (Natoras ni Inanta ni Inanta Namondingi) alai adong do namambaen sian Tulang ni Amantai, anggo au hurang ACC do songoni alana adong do pomparanna. Ulos tutup-batang (ulos ragidup) sian hula-hula ni Anak Siampudan rap ma dohot hulahula ni Anak sude. Ulos natolu ima ulos napokok, jala jambar tusi ima: Ulu, tu iboto ni namonding (hula-hula). Ihur-ihur: tu hulahula ni Anak Siampudan (Namanjabui/bolahan-amak) rap manajalo ma hulahula ni anak sude.



Pada umumna di hitaan, na-Sarimatua/Saurmatua mangkuling do Ogung sabangunan, jala adong do Adat Pandungoi, molo Ama marujung-ngolu boru Siangkangan ma Pandungoi, molo Ina namarujung-ngolu boru Siampudan ma Pandungoi diulahoni di borngin parpudi dung jolo dibaen ulos-saput dohot ulos tutup-batang (tortor), marsogotnai ma partuatna.
Di acara adat Padungoi i rap do boru Pandungoi i dohot rombonganna/simatuana/anggi-hahana/edana, jala mamboan juhut namarmiakmiak namargoar, dung sae mangan, manghatai ma, dipangido Boru Pandungoi-i ma angka pangidoanna, ulos suraburuk, cincin, ulos, dll.

Nawajib dilean ima: ulos hande-hande disiamun dohot sambirang, ulos hobahoba, jala diigil Boru-Pandungoi i dope asa dilean ulos dohot di rombonganna.
Dung sae marhata dimulai ma manortor, dipitta gondang, parjolo ma Anak maminta, dungi Boru, dungi Haha-Anggi/paidua ni hasuhuton asa marsiolopolopan, demi menghemat waktu boi ma rap manortor Boru, dongantubu, dongan-sabutuha, dungi dijou ma sude horong Parrajaon.

Dipartuatna i pe marsogotnai songoni ma Acara, alai dumenggan jolo tangiang sian Pangula ni Huria, dungi mangaliat ma Bona ni Hasuhuton, ndang dohot namabalui mangaliat, hundul do ibana diadophon namonding i, dialo-alo boru, dungi tortor ni Boru dialo-alo Parrajaon, dungi na marhahaanggi, ditomu-tomu Boru, demi menghemat waktu sudema rap dohot Boru rap sude dongan tubu, dongan sabutuha ditomu-tomu boru ni suhut, dungi dijou ma horong Parrajaon/Hulahula

Comments
0 Comments


EmoticonEmoticon